Një aksident i rëndë rrugor me pasojë humbjen e dy jetëve është regjistruar në Lezhë. Viktimat janë shtetasi Petrit Preng Florini, 53 vjeç, dhe bashkëshortja e tij, Elona Pjeter Florini, 45 vjeçe.
Çifti i bashkëshortëve humbi jetën si pasojë e përplasjes së automjeteve në aksin rrugor Lezhë–Shkodër, pranë zonës së Gocajt. Për shkak të përplasjes së fortë, trupat e viktimave u nxorën nga mjeti me ndihmën e forcave zjarrfikëse.
Në vendngjarje ndodheshin shërbimet e Policisë dhe grupi hetimor, të cilët po punojnë për zbardhjen e plotë të rrethanave dhe shkaqeve të aksidentit tragjik.
Autoritetet vijojnë hetimet, ndërsa pritet një njoftim zyrtar mbi dinamikën e ngjarjes.
Discussion about this post