Një tjetër aksident i pazakontë është shënuar mëngjesin e sotëm në Librazhd. Burime bëjnë me dije se një makinë është futur brenda një lokali, pasi drejtuesi i saj ka humbur kontrollin.
Burime gjithashtu bëjnë me dije se shoferi i automjetit me targa AA290IC po dërgonte fëmijën në shkollë në momentin kur ka dalë nga rruga dhe ka përfunduar në lokalin përballë saj.
Drejtuesi sapo kishte marrë patentën pasi në xhamin e pasmë është stampuar edhe një njoftim “shofer i ri”.
Policia ndodhet në vendin e ngjarjes dhe po punon për zbardhjen e rrethanave të saj, ndërkohë që do të bëhet edhe nxjerrja e automjetit nga zona përpara lokalit.
Discussion about this post