Një aksident i rëndë ka ndodhur pak minuta më parë në Mallakastër ku kanë mbetur të plagosur disa turistë. Burimet bëjnë me dije se, mjeti tip Rulot me targa të huaja ka dalë nga rruga në afërsi të fshatit Poçem në Mallakastër, si pasojë burrë e grua përfundojnë në spitalin e Fierit.
Ngjarja ka ndodhur në aksin Levan- Tepelene, kur një rulot me targa të huaja E913JOË ka dalë nga rruga e si pasojë janë plagosur dy shtetasit, Dominic Macfarlane dhe Gabriela Tominac, të cilët dyshohet se janë skocezë. Çifti ka pritur që të mbërrijnë në vendin e ngjarjes uniformat blu duke refuzuar ndihmën mjekësore në spitalin e Fierit, por më pas janë shoqëruar.
Paraprakisht dyshohet se shkak i daljes nga rruga ka qenë lagështia në rrugë era e fortë në këtë pjesë të rrugës. Menjëherë në vendin e ngjarjes mbërritën bluzat e bardha të cilat i dhanë ndihmën e parë të lënduarve, ndërsa më pas burrë e grua janë shoqëruar në spital, ku paraqiten në gjëndje të mirë shëndetësore. Nga ana e policisë po kryhen veprimet për të zbuluar edhe shkakun e daljes nga rruga të rulotës.
Discussion about this post