Një tjetër aksident i rëndë është shënuar pasditen e sotme në afërsi të një karburanti në aksin rrugor Milot Rrëshen. Burime policore bëjnë me dije se një kamion që drejtohej nga S.L., 39 vjeç, banues në Kamëz ka përplasur një këmbësore rreth 50-vjeçe e identifikuar me iniciale D.C.
Kjo e fundit është dërguar drejt spitalit të Traumës pasi ndodhet në gjendje të rëndë për jetën ndërkohë që drejtuesi i kamionit është shoqëruar në policinë e Kurbinit.
Drejtuesi i mjetit është shoqëruar në Komisariatin e Policisë Kurbin, për veprime të mëtejshme.
Paraprakisht dyshohet se shkak i këtij aksidenti të rëndë është bërë shpejtësia përtej normave të lejuara dhe mos respektimi i sinjalistikave rrugore. Theksojmë se ky aks është bërë shpesh burim aksidentesh ku kanë mbetur të plagosur dhjetëra këmbësorë e shumë të tjerë kanë ndërruar jetë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
Discussion about this post