Një aksident i rëndë ka ndodhur mesditën e sotme në Rrrogozhinë. Mësohet e një mjet tip “Honda” është përplasur me një trajler me targa të Malit të Zi rreth orës 13:30 në aksin Rrogozhinë-Durrës, ku për pasojë shoferi është plagosur në kokë.
Sipas policisë, dyshohet se mjeti “Honda” ka qenë me shpejtësi tej normave dhe është përplasur me pjesën e pasme të trajlerit. Shoferi i plagosur është dërguar me ambulancë në Spitalin e Durrësit dhe gjendja e tij është jashtë rrezikut për jetën. Policia po kryen hetime për të zbuluar shkaqet e vërteta të aksidentit. Sakaq, evidentohet se aksi Rrogozhinë-Durrës është kthyer në burim aksidentesh në kohët e fundit, kur në shumë raste kanë përfunduar me humbje jete.
Discussion about this post