Aksident i rëndë në Shkodër/ Makina përplas trafik ndarësen, plagosen dy të mitur

Një aksident rrugor ka ndodhur mbrëmjen e sotme në lagjen Partizani, Rruga e Komanit, Shkodër.

Një makinë “Benz” ka dalë nga rruga dhe është përplasur me murin e një avllie. Si pasojë e përplasjes ka marrë dëmtime drejtuesi i mjetit dhe pasagjeri, të dy të mitur.

Ngjarja ka ndodhur mbrëmjen e sotme rreth orës  19:30. Makina drejtohej nga i mituri  R. S., 15 vjeç, banues në Dobraç, Shkodër.

Si pasojë e përplasjes ka marrë dëmtime drejtuesi i mjetit R. S., dhe pasagjeri E. S., 16 vjeç, banues në Dobraç, Shkodër, të cilët ndodhen në spital nën kujdesin e mjekëve. Paraprakisht dyshohet se shkak është bërë shpejtësia përtej normave të lejuara, ndërsa policia nuk ka qenë në patrullim.

Grupi hetimor vijon punën për sqarimin e rrethanave të aksidentit.