Pas apeleve të shumta nga autoritetet për të respektuar sinjalistikat rrugore, shoferët e automjeteve vazhdojnë të qëndrojnë indiferentë duke shkaktuar aksidente të rrezikshme për jetën e këmbësorëve.
Kështu, një tjetër aksident ka ndodhur paraditen e sotme në aksin Gjirokastër-Tepelenë, në afërsi të kthesës së fshatit “Andon Poçi”. Në aksident ka mbetur i plagosur një person. Mësohet se një maune është përplasur me një mjet Mercedez-Benz. Maunia që vinte nga Gjirokastra në drejtim të Tepelenës ka devijuar krahun duke u përplasur në anën e majtë frontale te autoveturës.
Si pasojë e përplasjes mjeti tip Benz ka dalë nga rruga dhe ka përfunduar në kanal. Ndërkaq, ka marrë dëmtime të rënda një pasagjer.
