Një aksident është shënuar mbrëmjen e kësaj të premteje në aksin rrugor Thumanë-Fushë Krujë. Burime nga policia për gijotina.com bëjnë me dije se një mjet tip “Nissan” me drejtues shoferin e identifikuar me iniciale F. B., 65 vjeç, ka humbur kontrollin duke dalë nga rruga, i cili ndodhet nën kujdesin e mjekëve, jashtë rrezikut për jetën.
Sakaq, grupi hetimor ndodhet në vendngjarje dhe po punon për zbardhjen e rrethanave të aksidentit.
Theksojmë se gjatë ditës së sotme janë shënuar disa aksidente të rënda rrugore, që kanë shkaktuar disa të plagosur. Kujtojmë se një tjetër rast u shënua para disa orësh në Durrës, teksa një 22-vjecar ka përplasur një këmbësore me makinën e tij tip “Smart”. 33- vjeçarja ndodhet nën kujdesin e mjekëve, jashtë rrezikut për jetën.
