Një tjetër aksident i rëndë është shënuar mbrëmjen e kësaj të hëne në Tiranë. Burime nga policia për gijotina.com bëjnë me dije se ngjarja ka ndodhur rreth orës 20:00, në rrugën “Siri Kodra”.
Të njëjtat burime gjithashtu bëjnë me dije se një mjet me drejtues ende të paidentifikuar ka aksidentuar këmbësorin e identifikuar me iniciale B. P., 41 vjeç, dhe më pas është larguar nga vendngjarja.
Si pasojë e përplasjes këmbësori është plagosur dhe ndodhet në spital, jashtë rrezikut për jetën.
Paraprakisht dyshohet se shkak për aksidentin, ka qenë shpejtësia përtej normave të lejuara, ndërsa policia rrugore nuk ka qenë në patrullim e për pasojë shoferi ka shkelur sinjalistikat rrugore.
Grupi hetimor ndodhet në vendngjarje dhe po punon për identifikimin e autorit dhe sqarimin e rrethanave të ngjarjes.
Discussion about this post