Makinat përplasen ‘kokë më kokë’ në Tiranë

Një aksident ka ndodhur pranë TEG-ut në Tiranë.

Aksidenti mësohet se ka ndodhur përpara hyrjes në autostradën Tiranë – Elbasan.

Dy makina janë përplasur fort me njëra-tjetrën. Për pasojë, dyshohet se ka pasur një viktimë e disa të plagosur.

Në aksident janë përfshirë një automjet tip “Volksvagen Golf” dhe një “Ford” me targa të huaja.

“Më datë 20.06.2023, rreth orës 17:25, në rrethrrotullimin e TEG-ut janë përplasur automjetet me drejtues shtetasit D. B., 40 vjeç, E. Sh., 23 vjeç, dhe F. H., 30 vjeç.

Si pasojë e përplasjes është dëmtuar shtetasi D. B., dhe ndodhet në spital, nën kujdesin e mjekëve.

Grupi hetimor po punon për sqarimin e rrethanave të aksidentit”, njofton policia.