Një tjetër aksident i rëndë ka ndodhur mbrëmjen e së premtes në tunelin e Kalimashit.
Për pasojë ka humbur jetën një person e janë plagosur4 të tjerë. Të lënduarit janë nisur drejt Spitalit të Kukësit për të marrë kujdes shëndetësor.
Paraprakisht dyshohet se shkak është bërë shpejtësia përtej normave të lejuara ndërsa policia nuk ka qenë në patrullim.
Ngjarja ka ndodhur disa minuta më parë në brendësi të tunelit, në drejtimin për në Tiranë. Policia, urgjenca dhe zjarrfikësit ndodhen në vendngjarje ndërsa rrethanat nuk dihen ende.
Njoftimi i Policisë
“Më datë 07.01.2022, në brendësi të tunelit të Kalimashit janë përplasur dy automjete, me drejtues shtetasit Gj.M., banues në Shkopet dhe N.Z., banues në Kosovë. Si pasojë e aksidentit ka ndërruar jetë pasagjerja E.S., banuese në Shkopet, si dhe janë plagosur 4 shtetas të tjerë, të cilët janë transportuar në spitalin e Kukësit”, njofton policia.
Ndërkohë njoftohet se grupi hetimor dhe shërbimet e Njësisë për Sigurisë Rrugore të autostradës Kalimash- Morinë, ndodhen në vendin e ngjarjes.
Discussion about this post