Aksident i rëndë në Zvërnec, 3 persona dërgohen me urgjencë në spital

Një aksident rrugor ka ndodhur në Zvërnec të Vlorës ku dy automjete  janë përplasur me njëra tjetrën.

Mësohet se përplasja ka qenë shumë e fortë dhe 3 persona janë dëmtuar, dy djem dhe një vajzë dhe janë dërguar me urgjencë në spital. Nga informacionet e para bëhet me dije se të rinjtë janë maturantë.

Policia e Vlorës ka shkuar në vendin e ngjarjes dha ka nisur hetimet për zbardhjen e rrethanave.

Njoftimi i policisë

Rreth orës 11:40, në aksin rrugor “Vlorë-Zvërnec”, automjeti tip “Benz” me drejtues shtetasin D. B., 19 vjeç, është përplasur me një tjetër automjet tip “Benz”, me drejtues një shtetas 17 vjeç. Si pasojë e përplasjes, janë dëmtuar 17-vjeçari dhe pasagjerja në automjetin e tij, të cilët janë në kujdesin e mjekëve.