Një aksident i rëndë është shënuar para pak minutash para QSUT-së. Burime për gijotina.com bëjnë me dije se një motor është përplasur me makinën, ndërsa i plagosur ka mbetur një i ri.
Theksojmë se aksidenti është shënuar në hyrje të Qendrës Spitalore “Nënë Tereza”.
Identiteti i të plagosurit nuk është bërë ende, ndërsa pritet që policia të zbardhë detajet nëpërmjet një njoftimi zyrtar.
Ambulanca ka dërguar në urgjencë të riun, i cili ndodhet fatmirësisht jashtë rrezikut për jetë.
Sipas dëshmitarëve të ngjarjes, thuhet se motori ka qenë me shpejtësi kur është përplasur me makinën. Policia ka nisur hetimet.
