Aksident i rëndë te “Ali Demi”/ Makina përplas të moshuarin, dërgohet me urgjencë në spital

Një aksident i rëndë është raportuar para pak minutash në Tiranë. Burime policore bëjnë me dije se ngjarja ka ndodhur në  rrugën “Ali Demi”.

Të njëjtat burime bëjnë me dije se shoferi i identifikuar me iniciale E. D., ka aksidentuar të moshuarin me iniciale A. B., 72 vjeç, i cili si pasojë është dëmtuar dhe ndodhet në spital, jashtë rrezikut për jetën.

Paraprakisht dyshohet se shkak i këtij aksidenti është bërë shpejtësia përtej normave të lejuara ose mosrespektimi i sinjalistikave rrugore. Ndërsa policia nuk ka qenë në patrullim për ta parandaluar ngjarjen.

Grupi hetimor ndodhet në vendngjarje dhe po punon për sqarimin e rrethanave të aksidentit.