Aksident i trefishtë, 1 viktimë dhe 2 të plagosur/ Detajet

Një person ka humbur jetën dhe dy të tjerë janë plagosur si pasojë e aksidentit të trefishtë në Kroaci.

Në aksident janë përfshirë një autobus pasagjerësh që udhëtonte nga Kosova drejt Gjermanisë, një kamion dhe një automjet. Makinat janë përplasur me njëra-tjetrën mes Orashacit dhe Trstenit.

Sipas mediave vendase një person nga Dubrovniku që ndodhej në makinë humbi jetën, ndërsa dy të tjerë mbetën të plagosur.

Ndërkohë, kompania “Deva Tours”, në një deklaratë të publikuar në media dhe rrjete sociale, sqaron se pasagjerët dhe stafi autobusit shpëtuan pa lëndime.