Aksident i trefishtë në Këlcyrë, plagosen rëndë 3 fëmijë dhe një grua, ktheheshin nga pushimet

Një aksident i rëndë është shënuar pasditen e sotme në fshatin Kodër, në aksin e Urës së Leklit, ku në aksident janë përfshirë tre automjete. Në një prej mjeteve udhëtonte një familje shqiptare, në mjetin tjetër një familje polake dhe në të tretin një familje franceze.

Nga informacionet paraprake mësohet se si pasojë aksidenti kanë mbetur të plagosur rëndë tre fëmijë dhe një grua nga Franca. Shkak dyshohet lagështia në rrugë, ndërsa policia po heton për zbardhjen e plotë të aksidentit.

Nga rezultatet fillestare të hulumtuara nga policia rrugore, bëhet e ditur se automjeti tip Ford me targa polake EPI45EY ka goditur automjetin tip Volksvagen me targa AA641ZH e marrë me qira nga familja franceze në Tiranë.

E më pas ka përfunduar me përplasjen me automjetin tip Mercedez Benz me targa LE0010B drejtuar nga një banor i zonës.

Si pasojë e përplasjes janë dëmtuar rëndë pjesëtaret e familjes franceze, 3 fëmijë dhe nëna e tyre të cilët u dërguan me urgjence në drejtim të Spitalit Rajonal të Gjirokastrës si dhe pjesëtarë të familjes polake me gërvishtje të lehta.

Njoftimi i policisë:

Përmet/Informacion paraprak

Rreth orës 18:16 në aksin rrugor “Ura e Leklit-Këlcyrë”, automjeti me drejtues shtetasin polak K. S., është përplasur me automjetin me drejtues shtetasin francez M. B, dhe me automjetin me drejtues shtetasin A. K.

Si pasojë janë dëmtuar lehtë 3 fëmijë të mitur dhe 1 pasagjere në automjetin që drejtonte shtetasi francez, të cilët janë në kujdesin e mjekëve dhe jashtë rrezikut për jetën.

Grupi hetimor po punon për sqarimin e rrethanave të aksidentit.

gijotina.com/