Tre automjete janë përfshirë në një aksident në aksin rrugor Fushë-Krujë-Thumanë, mesditen e sotme. Si pasojë e kësaj përplasjeje të trefishtë ka mbetur e plagosur një shtetase me inicialet K.Gj, e cila raportohet se është dërguar në spital ku po merr ndihmën mjekësore. Mësohet se gjendja e saj është jashtë rrezikut për jetën. Ndërkohë, grupi hetimor dhe policia ndodhen në vendngjarje, teksa po punojnë për zbardhjen e plotë të rrethanave të aksidentit me tre automjete të përfshira.
“Rreth orës 14:25, në aksin rrugor Fushë-Krujë Thumanë, një automjet me drejtues shtetasin R. K., është përplasur me automjetin me drejtues shtetasin P. Gj., dhe gjatë përplasjes është përfshirë dhe automjeti me drejtues shtetasin Sh. S”, thuhet në njoftim.
Discussion about this post