Aksident i trefishtë në Tiranë-Elbasan, njëra përfundon përmbys në autostradë

Një aksident ka ndodhur këtë të dielë në autostradën Tiranë-Elbasan, ku tre makina janë përplasur me njëra-tjetrën.

Njëra prej mjeteve të përfshira në aksident është kthyer përmbys.

Për fat të mirë nuk ka persona të lënduar, ndërsa dyshohet se shkak i aksidentit është bërë lagështira në rrugë.

Pas kësaj përplasjeje, në rrugë është krijuar radhë kilometrike në drejtim të Elbasanit.

Policia ndodhet në vendin e ngjarjes dhe po punon për zbardhjen e plotë të rrethanave të aksidentit.