Një aksident i rëndë ka ndodhur gjatë orëve të para të mëngjesit në autostradën Fier-Lushnjë, pranë rrethrrotullimit të Kolonjës, ku si paosjë ka mbetur i plagosur një çift bashkëshortësh. Ngjarja ka ndodhur rreth orës 01:00, kur një automjet tip fuoristradë ka dalë nga rruga dhe është përplasur me barrierat metalike dhe i ka kapërcyer ato, duke përfunduar në një kanal poshtë urës.
Për nxjerrjen e dy bashkëshortëve nga automjeti është dashur ndërhyrja e menjëhershme e forcave zjarrfikëse të Lushnjës dhe e personelit mjekësor të ambulancës. Të dy të plagosurit janë transportuar me urgjencë drejt spitalit të Lushnjës, ku po marrin ndihmë mjekësore për lëndimet e shumta të pësuara.
Sipas të dhënave paraprake nga Policia Rrugore, dyshohet se shpejtësia e lartë dhe lagështia e madhe në asfalt, kanë bërë që drejtuesi i automjetit të humbasë kontrollin dhe të mos arrijë të futet në rrethrrotullim
Discussion about this post