Një aksident që përfshiu në karambolim me njëra-tjetrën të paktën 6 makina, ka ndodhur mëngjesin e sotëm (21 Shtator), në autostradën Durrës-Tiranë.
Lajmin e konfirmoi edhe policia e kryeqytetit, duke sqaruar se ngjarja është regjistruar rreth orës 08:45, në aksin në fjalë, ku janë përplasur dhe dëmtuar 6 automjete.
“Si pasojë janë dëmtuar lehtë dhe janë dërguar për kontroll mjekësor në spital dy shtetas”, tha policia.
Aksidenti ka shkaktuar edhe trafik në rrugë dhe radhë të gjata automjetesh, teksa fundjavat janë gjithmonë të mbingarkuara në këtë aks kombëtar.
Policia bëri me dije se grupi hetimor ndodhet në vendngjarje dhe po punon për sqarimin e rrethanave të aksidentit, teksa priten edhe detaje plotësuese nga dinamika dhe shkaqet.
Discussion about this post