Një aksident masiv është shënuar këtë mëngjes në aksin rrugor Vlorë-Peshkëpi, ku tre makina janë përplasur me njëra tjetrën.
Sipas bluve, në aksident janë përfshirë një mjet tip “Toyota”, një “Volkswagen” dhe një “Ford”.
Mësohet se si pasojë e përplasjes janë lënduar dy drejtues të mjeteve dhe një pasagjere.
Të plagosurit janë transportuar në spitalin e Vlorës, ku ndodhen jashtë rrezikut për jetën.
“Sot, rreth orës 07:00, në aksin rrugor Vlorë-Peshkëpi, një automjet tip “Toyota” me drejtues shtetasin A. C., 49 vjeç është përplasur me një automjet tip “Volkswagen” me drejtues shtetasin P. M, 47 vjeç dhe me një automjet tip “Ford”, me drejtues shtetasin G. A. Drejtuesit, shtetasit A. C, dhe G. A, si dhe një pasagjere e mjetit “Ford”, shtetasja L. M, ndodhet në spitalin e Vlorës, jashtë rrezikut për jetën.”-njofton policia.
Discussion about this post