Një aksident i rëndë rrugor është regjistruar në orët e para të mëngjesit në aksin Maliq-Pojan, ku 7 persona kanë mbetur të plagosur.
Ngjarja ka ndodhur në kryqëzimin e fshatit Pendavinj, ku një mjet me targa greke që ishte duke udhëtuar nga Maliqi drejt Pojanit dhe një mjet furgon mallrash janë përplasur kokë me kokë.
Burime nga spitali rajonal i Korçës bëjnë me dije se njëri nga të plagosurit ndodhen në gjendje të rëndë në reaminacion ndërsa 6 të plagosurit e tjerë ndodhen në këtë spital jashtë rrezikut për jetën.
Policia po heton për shkaqet e aksidentit, ky fillimisht dyshohet se njëri nga mjetet nuk ka respektuar sinjalistiken rrugore në një kryqëzim të tillë.
Njoftimi i policisë
Rreth orës 05:55, në afersi të fshatit Pendavinj, është përplasur automjeti tip “Benz” furgon me drejtues shtetasin I. M., me automjetin tip “Volkswagwn” me drejtues shtetasin B. C.
Si pasojë e aksidentit janë dëmtuar drejtuesi i furgonit dhe 3 pasagjerë në këtë automjet si dhe 3 pasagjerë që udhëtonin me automjetin tip “Volkswagen”, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit.
Discussion about this post