Aksident me dy të plagosur në Fier, detajet e para

Një aksident me dy persona të plagosur ka ndodhur këtë të Hënë në Fier.

Policia njoftoi se rreth orës 18:30, në fshatin Sheqishte-Fier, automjeti tip “Benz” me drejtues E. Sh., 26 vjeç, është përplasur me automjetin tip “Volkswagen”, i cili ka qenë i parkuar anës rrugës.

Si pasojë e përplasjes është dëmtuar drejtuesi i automjetit tip “Benz” dhe pasagjeri, D. L., 30 vjeç, të cilët ndodhen në spital, në kujdesin e mjekëve.

Grupi hetimor po punon për përcaktimin e shkakut të aksidentit, shtuan të njëjtat burime.