Një aksident i rëndë ka ndodhur paraditen e sotme në Durrës, ku kanë mbetur të plagosur katër persona. Sipas të dhënave, ngjarja ka ndodhur rreth orës 10:55, në Shijak, automjeti me drejtues shtetasin R. L., 19 vjeç, është përplasur me automjetin me drejtues shtetasin M. O., 31 vjeç.
Drejtuesit e mjeteve, bashkë me dy pasagjerët janë dërguar menjëherë në spital dhe ndodhen nën kujdesin e mjekëve, Raportohet se dy prej tyre janë në gjendje të rëndë. Nuk dihen shkaqet që çuan në këtë aksident, por grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post