Aksident me makinë në Elbasan, plagoset një 76-vjeçar

Një aksident është shënuar paraditen e sotme në fshatin Kusarth të Elbasanit, ku një drejtues ka aksidentuar me makinën e tij një 76 vjeçar, i cili është dërguar për ndihmë mjekësore në spital.

Njoftimi i policisë

Rreth orës 08:30, në rrugën “Qemal Stafa”, automjeti tip “Volkswagen”, me drejtues shtetasin A. S., 46 vjeç, banues në Elbasan, ka aksidentuar shtetasin I. A., 76 vjeç, banues në fshatin Kusarth, Elbasan.

Shtetasi I. A. është dërguar në spital, për të marrë ndihmë mjekësore, ndërsa me drejtuesin e automjetit, shtetasin A. S., po kryhen veprimet procedurale.

Grupi hetimor po punon për përcaktimin e rrethanave të aksidentit.