Një aksident është shënuar në aksin rrugor Cërrik-Belsh, ku si pasojë janë lënduar dy drejtuesit e mjeteve të përfshirë në përplasje dhe një pasagjere. Policia njofton se ka vënë në pranga një 22 vjeçar të identifikuar me iniciale M.F, drejtues i mjetit tip “Benz”, pasi ka shkelur rregullat e qarkullimit rrugor, duke shkaktuar këtë aksident.
Personat e lënduar nga përplasja janë dërguar në spitalin e Elbasanit për të marrë ndihmën e parë mjekësore.
“Specialistët e Seksionit të Trafikut Interurban dhe Urban në DVP Elbasan arrestuan në flagrancë për veprën penale “Shkelja e rregullave të qarkullimit rrugor”, shtetasin M. F, 22 vjeç, banues në Tiranë, pasi në aksin rrugor Cërrik Belsh, mjeti tip “Benz” me drejtues shtetasin M. F. është përplasur me mjetin tip “Benz” me drejtues shtetasin V. H. Për pasojë janë dëmtuar të dy drejtuesit e mjeteve dhe pasagjerja, shtetasja K. U., të cilët ndodhen në Spitalin Rajonal Elbasan, jashtë rrezikut për jetën”, njofton policia.
Discussion about this post