Aksident me vdekje, makina përplas këmbësorin

Një aksident me vdekje ka ndodhur pasditen e sotme në Savër të Lushnjes.

Nga raportimet mësohet se një automjet, i drejtuar nga një 28-vjeçare, ka përplasur një këmbësor.

Viktima, ende i paidentifikuar, ka tentuar të kalojë nga njëra anë e rrugës në tjetrën kur është përplasur nga një automjet.

Policia ndodhet në vendin e ngjarjes dhe ka nisur hetimet.

Njoftimi i Policisë:

Fier/Informacion paraprak

Më datë 29.10.2023, në aksin rrugor Plug-Saver, shtetasja A. J., 28 vjeçe, duke drejtuar automjetin tip “Toyota”, ka askidentuar një shtetas ende të paidentifikuar, rreth 65 vjeç, i cili si pasojë ka ndërruar jetë në vendngjarje.

Drejtueses së automjetit i është bërë testi i alkoolit dhe ka rezultuar që nuk kishte konsumuar pije alkoolike.

Grupi hetimor nën drejtimin e Prokurorisë po punon për sqarimin e rrethanave të aksidentit, si dhe identifikimin e 65-vjeçarit që humbi jetën.