Një aksident me vdekje ka ndodhur pasditen e së premes në Kuçovë.
Mësohet se një automjet ka përplasur një të moshuar, i cili po lëvizte me biçikletë. Viktima është identifikuar si Veiz Plaku, 69 vjeç.
Nga raportimet mësohet se Policia ka arrestuar drejtuesin e automjetit, 21-vjeçarin Fabion Arapi.
“Rreth orës 17:30, në fshatin Tapi, Kuçovë, automjeti me drejtues shtetasin F.A., 21 vjeç, ka aksidentuar shtetasin V.P., 69 vjeç, që lëvizte me biçikletë, i cili pasi u dërgua në spital humbi jetën. Me drejtuesin e automjetit po kryhen veprimet procedurale”, bën me dije policia.
Grupi hetimor ndodhet në vendngjarje dhe vijon punën për sqarimin e rrethanave të aksidentit.
Discussion about this post