Një aksident me vdekje ka ndodhur pasditen e sotme në aksin Fushë Krujë-Thumanë. Një e moshuar ka humbur jetën.
“Në rrugën dytësore Fushë Krujë-Thumanë, shtetasi N. H., 46 vjeç, duke drejtuar automjetin ka humbur kontrollin mbi drejtimin e automjetit dhe automjeti ka dalë nga rruga. Si pasojë ka humbur jetën pasagjerja, shtetasja B. H., 77 vjeçe”, njoftoi policia.
“Drejtuesi i automjetit është shoqëruar në ambientet e Policisë për kryerjen e veprimeve të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave të aksidentit”, shtuan të njëjtat burime.
Discussion about this post