Një aksident me vdekje ka ndodhur në Elbasan mbrëmjen e sotme, ku një 20-vjeçar ka humbur jetën.
Viktima është Fiori Sula.
Ky i fundit, siç bën me dije policia, është përplasur nga një automjet.
“Rreth orës 21:25, në unazën e qytetit, një automjet ende i paidentifikuar, ka aksidentuar, këmbësorin shtetasin F. S., rreth 20 vjeç, dhe është larguar nga vendi i aksidentit. Si pasojë shtetasi F. S., ka ndërruar jetë rrugës për në spital. Grupi hetimor ndodhet në vendngjarje dhe po punon për zbardhjen e rrethanave të aksidentit, identifikimin dhe kapjen e drejtuesit të automjetit”, thuhet në njoftimin e bluve.
Discussion about this post