Një aksident i rëndë ka ndodhur pak më parë në qytetin e Fierit. Sipas raportimeve, një person i cili ka qenë duke ecur me biçikletë është aksidentuar nga një makinë dhe si pasojë ka humbur jetën. Shtetasi që drejtonte mjetin është Agim Alizoti.
“Rreth orës 20:30, në vendin e quajtur “Kthesa e Patosit”, automjeti tip “Benz” me drejtues shtetasin A. A., 63 vjeç, ka përplasur një shtetas rreth 50 vjeç, ende të paidentifikuar, i cili ishte duke udhëtuar me biçikletë.
Si pasojë e përplasjes, drejtuesi i biçikletës ka ndërruar jetë, ndërsa shtetasi A. A. u shoqërua në ambientet e Policisë, për kryerjen e veprimeve të mëtejshme procedurale.
Grupi hetimor po punon për përcaktimin e shkaqeve të aksidentit dhe identifikimin e shtetasit që ka ndërruar jetë”, tha policia.
Discussion about this post