Një aksident me vdekje ka ndodhur në rrugën Krumë-Kukës.
Një person ka humbur drejtimin e mjetit dhe për rrjedhojë ka ndërruar jetë pasagjerja 61 vjeçe, bashkëshorte e shoferit. Ndërsa vetë shoferi u dërgua në spital, me plagë në trup.
“Më datë 25.02.2023, në aksin rrugor Krumë -Kukës, në vendin e quajtur “Qaf Tobli”, shtetasi Z. S., duke drejtuar automjetit tip “Volkswagen Passat”, ka humbur kontrollin mbi drejtimin e automjetit dhe automjeti ka dalë nga rruga.
Si pasojë e daljes nga rruga, ka humbur jetën bashkëshortja e tij, shtetasja F. S., 61 vjeçe, ndërsa drejtuesi i mjetit është dërguar në spitalin e Kukësit për ndihmë mjekësore.
Grupi hetimor po punon për zbardhjen e shkaqeve të aksidentit”, thuhet në njoftimin e policisë.
Discussion about this post