Një aksident me vdekje ka ndodhur mbrëmjen e djeshme në “Rrugën e Kombit”. Viktima është një person rreth të 60-tave, ende i paidentifikuar nga autoritetet. Ndërsa drejtuesi i mjetit që përplasi për vdekje këmbësorin, një 27-vjeçar nga Prishtina, është arrestuar, njoftoi këtë të mërkurë policia lokale.
“Shërbimet e Njësisë së Sigurisë Rrugore në autostradën ‘Milot-Morinë’ arrestuan në flagrancë shtetasin A. M., 27 vjeç, banues në Prishtinë, pasi rreth orës 21:30, të datës 14.05.2024, në fshatin Gjegjan, me automjetin që drejtonte, ka përplasur një shtetas ende të paidentifikuar, këmbësor, rreth 60 vjeç, i cili si pasojë ka humbur jetën në vendngjarje”, thuhet në njoftimin e bluve.
Vijon puna për identifikimin e këtij shtetasi, ndërsa dosja hetimore i ka kaluar prokurorisë së Kukësit, shtuan të njëjtat burime.
Discussion about this post