Aksident me vdekje në Tapizë, drejtuesi i mjetit largohet nga vendngjarja

Një 47 vjeçar ka humbur jetën si pasojë e një aksidenti që u regjistrua në aksin rrugor Fushë Krujë-Tapizë.

Viktima A.H. ishte duke kaluar rrugën kur u përplas nga mjeti tip “Volkswagen” që drejtohej nga shtetasi G. T., 49 vjeç, banues në fshatin Kurçaj.

Drejtuesi i mjetit u largua nga vendngjarja pas aksidentit duke mos i dhënë ndihmën e parë personit të dëmtuar, por u arrestua disa orë më vonë nga specialistët e Trafikut Urban dhe Interurban në Krujë.

“Specialistët e Trafikut Urban dhe Interurban Krujë arrestuan shtetasin G. T., 49 vjeç, banues në fshatin Kurçaj, Krujë, pasi në segmentin rrugor Fushë Krujë-Tapizë, nduke drejtuar mjetin tip ‘Volkswagen’ ka aksidentuar me pasojë vdekjen shtetasin A. H., rreth 47 vjeç, dhe më pas është larguar nga vendi i aksidentit.”– njofton policia.