Aksident me vdekje në Tiranë, humb jetën i moshuari

Një aksident i rëndë ka ndodhur në Tiranë, ku ka humbur jetën një  88-vjeçar.

Sipas informacioneve, ngjarja ka ndodhur rreth orës 10:25, tek Brryli, pranë Iranianit, motomjeti me drejtues shtetasin B. Sh., ka aksidentuar këmbësorin shtetasin T. B., 88 vjeç.

Menjëherë ka mbërritur ambulnaca dhe ka dërguar në spital të moshuarin, por ka humbur jetën gjatë rrugës për në spital pas plagëve të marra në kokë.  Sakaq, nuk dihen ende shkaqet e këtij aksidenti, por grupi hetimor ndodhet në vendngjarje dhe po punon për sqarimin e rrethanave të aksidentit.