Aksident me vdekje në Tiranë, këmbësori përplaset nga makina

Një aksident fatal ndodhi gjatë natës në “Rrugën e Kavajës”, ku humbi jetën një 65-vjeçar.

Viktima është identifikuar si Afmet Kërçiku nga Klosi.

Një automjet ka përplasur këmbësorin 65-vjeçar, i cili është transportuar me autoambulancë në Spitalin e Traumës në gjendje të rëndë shëndetësore.

Sipas burimeve nga Trauma, i plagosuri ka ndërruar jetë në orët e para të mëngjesit të kësaj të Shtune, si pasojë e plagëve të marra.

Drejtuesi i mjetit me iniciale M.A, 31 vjeç, u arrestua.