Aksident në aksin Burrel-Milot, dy persona të plagosur

Një aksident ka ndodhur mesditën e sotme në aksin rrugor Burrel-Milot.
Sipas njoftimit të policisë, shoferi me iniciale D.S ka humbur kontrollin e automjetit dhe për pasojë ka dalë nga rruga.
Nga ngjarja ka mbetur i plagosur drejtuesi i këtij automjeti dhe pasagjerja me iniciale B.S të cilët janë transportuar drejt spitalit dhe ndodhen jashtë rrezikut për jetën.

“Në aksin rrugor Burrel-Milot, shtetasi D. S., duke drejtuar automjetin e tij ka humbur kontrollin dhe ka dal nga rruga ku si pasojë është lënduar drejtuesi i mjetit dhe pasagjerja B. S., të cilët po marrin ndihmë mjekësore në spital dhe ndodhen jashtë rrezikut për jetën.
Grupi hetimor vijon hetimet në vendngjarje për zbardhjen e shkaqeve të aksidentit” – thuhet në njoftimin zyrtar të policisë.