Një aksident ka ndodhur tek kthesa e Murrashit, në aksin Elbasan-Librazhd ku janë përplasur dy kamionë dhe dy makina duke shkaktuar dëme të mëdha materiale. Për fat të mirë nuk ka dëme në njerëz.
Sipas informacioneve, shkak për aksidentin duket se është bërë rruga e ngushtë ku dy kamionët nuk kanë mundur të shkëmbehen duke marrë para edhe makinat që ishin aty pranë.
Kthesa e Murrashit është një ndër pikat më problematike për aksidentet rrugore. Bëhet fjalë për një zonë ku ka aksidente thuajse çdo 2-3 ditë.
Tre ditë më parë, në të njëjtin vend u përplasen dy makina dhe një fugon që transportonte udhëtarë.
Discussion about this post