Aksident në aksin Gjirokastër-Kakavijë pranë fshatit Jorgucat, tre të plagosur

Një aksident fatmirësisht pa pasoja për jetën është regjistruar këtë të martë në aksin Gjirokastër-Kakavijë pranë fshatit Jorgucat.

Në këtë aksident janë përfshirë dy automjete, ku për pasojë janë lënduar tre persona.

Të plagosurit janë jashtë rrezikut për jetën.

Njoftimi i policisë

Gjirokastër/ Informacion paraprak

Rreth orës 09:45, në aksin rrugor Gjirokastër-Jorgucat, në vendin e quajtur “Kryqëzimi i Jorgucatit”, janë përplasur dy automjete me drejtues shtetasit K. S., 28 vjeç, banues në Delvinë dhe N. T., 58 vjeç, banues në Gjirokastër.

Për pasojë, kanë mbetur të dëmtuar të dy drejtuesit e mjeteve, si dhe pasagjerja A. S., rreth 20 vjeçe, e cila ndodhej në automjetin që drejtohej nga shtetasi K. S.

Shtetasit e dëmtuar u transportuan në spital për të marrë ndihmën mjekësore dhe ndodhen jashtë rrezikut për jetën.

Në vendngjarje ndodhet grupi hetimor dhe po punon për zbardhjen e shkaqeve të aksidentit.