Aksident në aksin Lezhë-Milot/ 3 makina përplasen me njëra-tjetrën dhe pastaj me trafikndarësen

Një tjetër aksident i rëndë është shënuar, në superstradën Lezhë-Milot. Ngjarja ka ndodhur në afërsi të kryqëzimit të rrugës së Shëngjinit.

Bëhet me dije, tre automjete janë përplasur me njëra-tjetrën dhe më pas me trafikndarësen e një karburanti. Nga aksidenti nuk raportohet për të lënduar, por vetëm dëme të shumta materiale.

Policia ndodhet në vendin e ngjarjes dhe ka nisur hetimet për zbardhjen e rrethanave dhe shkaqeve të këtij aksidenti të trefishtë.

Paraprakisht dyshohet se shkak është bërë shpejtësia përtej normave të lejuara dhe lagështira si pasojë e motit të keq.

Gijotina.com raporton se bilanci i aksidenteve rrugore vijon të rritet.