Një aksident ka ndodhur në aksin Lezhë-Shkodër, në afërsi të Kallmetit. Mësohet se shtatë persona kanë mbetur të plagosur, ku katër prej tyre janë në gjendje të rëndë. Mes të plagosurve mësohet se ndodhet dhe një fëmijë, i cili ndodhet në gjendje kritike. Gjithashtu mësohet se të plagosur më rëndë janë dhe një burrë dhe dy gra. Të plagosurit janë dërguar me urgjencë në spitalin e Lezhës.
Burime bëjnë me dije se një automjet tip “Furistradë Mitsubish” me targa greke, është përplasur me një “Audi A6.” Shkak dyshohet se ka qenë një parakalim i gabuar i Audit me targa të Kosovës.
Disa persona kanë mbetur të plagosur, njëri në gjendje të rëndë. Si pasojë e aksidentit është bllokuar trafiku në të dyja anët dhe lëvizja e automjeteve është devijuar në aksin e vjetër Kallmet-Dajç.
Zjarrfikësja dhe policia ndodhen në vendin e ngjarjes, ndërsa të plagosurit janë transportuar në spital.
Discussion about this post