Një aksident rrugor ka ndodhur në autostradën Lushnje-Fier, në afërsi të urës së Semenzës. Mësohet se një mjet bujqësor ka hyrë në autostradë, duke i zënë rrugën një furgoni.
Për pasojë, përplasja ka shkaktuar dëmtime të rënda tek dy drejtuesit e mjetit bujqësor dhe është dëmtuar lehtë drejtuesi i furgonit. Të plagosurit po marrin ndihmë mjekësore në spitalin e Lushnjës dhe ndodhen jashtë rrezikut për jetën.
Mjetet bujqësore nuk lejohen të hyjnë në autostradë. Megjithatë përbëjnë rrezik edhe në rrugë dytësore pasi drejtuesit e tyre nuk kanë kualifikimin e duhur për drejtim në shumicën e rasteve.
Kujtojmë se, dy muaj më parë një drejtues mjeti bujqësor humbi jetën në fshatin Zhame, pasi e zuri mjeti poshtë në kanal.
Discussion about this post