Aksident në aksin rrugor Milot-Laç, një i vdekur dhe një i plagosur

Një aksident me vdekje është shënuar në superstradën Milot-Laç. Dy mjete janë përplasur me njëra-tjetrën pranë kryqëzimit të superstradës me Rrugën e Kombit.

Për pasojë ka mbetur i vdekur një person ndërsa një tjetër është plagosur. Viktima është identifikuar si Ded Tosku, rreth 65 vjeç, i cili po lëvizte me një mjet bujqësor.

Policia ndodhet në vendin e ngjarjes dhe po heton shkaqet e aksidentit.

Njoftimi i policisë:

Rreth orës 10:00, në aksin rrugor “Lezhë-Laç”, janë përplasur mjeti kamion me drejtues shtetasin Sh. B. dhe mjeti me drejtues shtetasin D. T.

Nga aksidenti ka humbur jetën shtetasi D. T., rreth 65 vjeç.

Me drejtuesin e kamionit, shtetasin Sh. B., po kryhen veprimet procedurale.