Një aksident ka ndodhur mbrëmjen e sotme në aksin rrugor Shkodër-Velipojë teksa një drejtues automjeti ka marrë përpara një 26-vjeçar me biçikletë. Por pas aksidentit drejtuesit i mjetit është larguar nga vendngjarja duke e lënë të aksidentuarin në rrugë. Ky i fundit është dërguar më pas në spital ku ndodhet nën kujdesin e mjekëve dhe po merr ndihmën e parë.
Ndërkaq, nga ana tjetër grupi hetimor po vijon punën për zbardhjen dhe sqarimin e plotë të rrethanave të aksidentit, identifikimin dhe kapjen e drejtuesit të mjetit.
“Rreth orës 21:20, në aksin rrugor Shkodër-Velipojë, në afërsi të Kishës, Velipojë, është përplasur një mjet me një motoçikletë, ku drejtuesi i mjetit është larguar nga vendngjarja.
Si pasojë e përplasjes është dëmtuar drejtuesi i motoçikletës shtetasi A. Sh. 26 vjeç banues në Velipojë, i cili u dërgua në Spitalin Rajonal Shkodër dhe ndodhet nën kujdesin e mjekëve. Grupi hetimor po vijon punën për zbardhjen dhe sqarimin e plotë të rrethanave të aksidentit, identifikimin dhe kapjen e drejtuesit të mjetit.”
Discussion about this post