Një 18-vjecar shqiptar ka humbur jetën në Athinë, pas një aksidenti automobilistik të shkaktuar nga përplasja e dy motorëve.
Ngjarja ka ndodhur në lagjen “Kipseli”, në kryqëzimin e rrugëve “Kipseli” dhe “Zakyntho”. Motori i drejtuar nga 18-vjecari shqiptar është përplasur më motorin e drejtuar nga një 16-vjecar.
Si pasojë, i riu shqiptar ka rënë nga mjeti dhe është zvarritur për disa metra. Aksidenti ka rezultuar fatal për shqiptarin i cili humbi jetën. Drejtuesi tjetër i mjetit është plagosur lehtë.
Të dy motoçiklistët rezultuan se nuk kishin kaskë mbrojtëse. Policia ndërkohë po heton rastin. Mediat greke, në raportimet për ngjarjen, nuk japin detaje për identitetin apo gjeneralitetet e viktimës.
Discussion about this post