Një aksident është regjistruar mesditen e sotme në autostradën Fier-Lushnjë, në afërsi të vendit të quajtur “Pushimi i shoferit”.
Raportohet se një motor është përplasur nga një automjet dhe ka humbur ekuilibrin. Më pas motomjeti është përplasur edhe me pjesën anësore të një autobusi.
Pas aksidentit shoferi i motorit ka marrë plagë ndërsa është mjekuar nga stafi mjekësor i ambulancës. Policia në vendngjarje ka zhbllokuar trafikun dhe po dokumenton ngjarjen. Bëhet me dije se motoçiklisti që nuk kishte në kokë maskën mbrojtëse dhe ai është lënduar pasi është rrëzuar në asfalt.
Policia ka ndaluar drejtuesin e autobusit deri në sqarimin e rrethanave të aksidentit. Sipas dëshmitarëve okularë, drejtuesi i motoçikletës udhëtonte në mes të karexhatës dhe fillimisht është goditur nga një autoveturë, e cila është larguar dhe më pas është përplasur me autobusin.
Discussion about this post