Një aksident me pasojë plagosjen e dy personave ka ndodhur mesditën e sotme në autostradën Kukës-Morinë. Drejtuesi i një automjeti tip “Ford” dyshohet se ka humbur kontrollin mbi drejtimin e automjetit dhe për pasojë është përmbysur.
Si pasojë e aksidentit ka mbetur i plagosur shoferi dhe një pasagjere të cilët janë dërguar për mjekim më të specializuar në Tiranë.
“Rreth orës 13:00, në autostradën Kukës-Morinë, shtetasi F. K., duke drejtuar automjetin tip “Ford”, dyshohet se ka humbur kontrollin mbi drejtimin e automjetit dhe për pasojë automjeti është përmbysur.
Nga aksidenti janë dëmtuar drejtuesi i automjetit, shtetasi F. K., dhe pasagjerja në këtë automjet, shtetasja K.K., të dy banues në Fushë Arrëz, Pukë, të cilët janë dërguar për mjekim më të specializuar, në Tiranë.”- njofton policia.
Grupi hetimor po punon për përcaktimin e shkaqeve të aksidentit.
Discussion about this post