Aksident në autostradën Milot-Morinë/ Ndërrojnë jetë shoferi dhe pasagjeri

Një aksident ka ndodhur në autostradën Milot-Morinë mbrëmjen e djeshme.

Afrim Kolgjini dhe Festim Gjeta janë dypersonat që humbën jetën nga aksident tragjik në autostradën Milot-Morinë.

Siç u raportua nga policia automjeti tip “Benz”, i drejtuar nga 50-vjeçari Afrim Kolgjini, ka dalë nga rruga e si pasojë ka humbur jetën drejtuesi i automjetit si dhe pasagjeri që ndodhej në automjet, 35-vjeçari Festim Gjeta.

Të dy viktimat ishin nga fshati Lusën, njësia administrative Ujmisht Kukës.

Policia njofton se automjeti tip “Benz” ka dalë nga rruga, ndërsa për pasojë kanë humbur jetën drejtuesi i mjetit dhe pasagjeri që udhëtonte me të.

Grupi hetimor po punon për zbardhjen e plotë të rrethanave dhe shkakut të daljes nga rruga të automjetit.

Njoftimi

Rreth orës 23:35, të datës 01.04.2025, në autostradën Milot-Morinë, automjeti tip “Benz” ”, i drejtuar nga shtetasi A.K., 50 vjeç, banues në Tiranë, ka dalë nga rruga.

Si pasojë ka humbur jetën drejtuesi i automjetit si dhe pasagjeri që ndodhej në automjet, shtetasi F.Gj., 35 vjeç, banues në Kukës.

Grupi hetimor po punon për zbardhjen e plotë të rrethanave.