Aksident në autostradën Tiranë-Durrës, krijohet trafik i rënduar

Përplasja e dy automjeteve në autostradën Tiranë-Durrës ka sjellë një trafik të rënduar në këtë aks pasditen e sotme.

Lidhur me ngjarjen, mësohet se në vendngjarje ka mbërritur edhe ambulanca për t’u ardhur në ndihmë të lënduarve. Ndërkohë dhe policia ka mbërritur dhe po heton për zbardhjen e plotë të rrethanave të aksidentit që ka ndodhur.

Kujtojmë se autostrada Tiranë-Durrës gjatë muajve të verës përballet me një fluks të lartë mjetesh duke shkaktuar trafik të rënduar në orë të ndryshme.