Aksident në autostradën Tiranë-Durrës, një i vdekur, 3 të plagosur

Një ngjare e rëndë ka ndodhur këtë mëngjes. Raportohet një aksident në autostradën Tiranë-Durrës, ku si paosjë ka vdekur një 28- vjeçar ndërsa janë plagosur 3 persona të tjerë, të cilët ndodhen jashtë rrezikut për jetën.

Sipas informacioneve  28-vjeçari ka humbur kontrollin e mjetit dhe është përplasur me trafikndarësen. Pasi ka dalë dalë nga automjeti, bashkë me 3 pasagjerët, gjatë kohës që qëndronin në rrugë, ata janë përplasur nga një tjetër automjet.

Tiranë/Informacion paraprak

Rreth orës 05:05, në autostradën “Tiranë-Durrës”, shtetasi G. M., rreth 28 vjeç, duke drejtuar automjetin, ka humbur kontrollin mbi drejtimin e tij dhe si pasojë automjeti është përplasur me trafikndarësen.

Pasi ka dalë dalë nga automjeti, bashkë me 3 pasagjerët, gjatë kohës që qëndronin në rrugë, ata janë përplasur nga automjeti me drejtues shtetasin I. L.

Për pasojë, shtetasi G. M. ka humbur jetën, ndërsa 3 pasagjerët e automjetit të tij janë dërguar në spital, për mjekim.

Shtetasi I. L është shoqëruar në Komisariat, për veprime të metejshme proceduarale.